ب / قورئان خوينێ دورست و يێ ب قورئانێڤە گرێداى ئەوە يێ بەردەوام قورئانێ دخوينيت، ل مال و ل مزگەفتێ و هەردەم و جهێ دەرفەت بۆ چێ بوو، و خواندنا خۆ ب جهەكيڤە تنێ ناگرێدەت، راستە پێغەمبەر (سلاڤێت خودێ لێ بن) د راستا مزگەفتێدا هەروەكى موسلم ژ ئەنەسێ كورێ مالكى (خودێ ژێ رازی بیت) ڤەدگێريت، دبێژيت: كۆچەرە عەرەبەكى ميزتە مزگەفتێ (مەخسەد مزگەفتا پێغەمبەرى (سلاڤێت خودێ لێ بن)) خەلك لێ رابوون دا بكەڤنێ (خەبەرا بێژنێ يان بقوتن يان بشكێنن) پێغەمبەرى (سلاڤێت خودێ لێ بن) گۆت: بهێلن بلا دەستنڤێژا خۆ ب دويماهى بينيت دا خرابتر لێ نەهيـت، پاشى گازيكر و گۆتێ: (إِنَّ هذه الْمَسَاجِدَ لا تَصْلُحُ لِشَيْءٍ من هذا الْبَوْلِ ولا الْقَذر إنما هِێ لِذكْر اللَّهِ عز وجل وَالصَّلاە وَقِرَاءَة الْقُرْآنِ) ئەڤ مزگەفتە كێر چو تشتان ناهێت ژ ڤێ ميزێ و پيساتيێ، بەلێ جهێ زكرێ خودێيە و نڤێژێ و خواندنا قورئانێ. بەلێ دگەل هندێ ژى دڤێت ئەم ل مال ژى بخوينينن و تايبەت نەكەين ب مزگەفتێڤە، هەتا زانايێ مەزن شاتبى دبێژيت: تايبەتكرنا قورئانێ ب مزگەفتێڤە بيدعەيە و هەر جهێ تو بخوينى پيتەك ژێ ب دەه خێرانە، و خودێ چێتر دزانيت.
