ب / ئيسلام حەژ نەزانينێ ناكەت، و هەر ژ رۆژا ئێكێ بەرێ مە يێ دايە خواندن و زانينێ دەمێ د هەڤديتنا ئێكێدا ناڤبەينا پێغەمبەرى (سلاڤێت خودێ لێ بن) و جبريليدا چێبووى (اقرأ). ديسا خودێ مەزن قەدرێ زانا گەلەك و گەلەك ب سەر يێ نەزان ئێخستيە، خودێ مەزن دبێژيت: ((يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ)). ديسا پێغەمبەر (سلاڤێت خودێ لێ بن) ديار دكەت مەزنترين كەرەم خودێ دگەل بەندەيەكێ خۆ بكەت وى زانا بكەت، دبێژيت: (من يرد الله به خيرا يفقه في الدين).
هەر كەسێ خودێ خێر بۆ ڤيا دێ شارەزا و زاناكەت د دينيدا، ڤێجا چو جار يێ نەزان ژ يێ زانا چێتر نينە.
بەلێ پێدڤيە بزانين كيژكە زانا، زانا ئەوە يێ زانينا خۆ بكەتە كار و كريار، زانا ئەوە يێ پتر نێزيكى خودێ دبيت، زانا ئەوە يێ پتر تەقوا خودێ دكەت، لەوا خودێ مەزن دبێژيت: ((إِنَّمَا يَخْشَى اللَّهَ مِنْ عِبَادِهِ الْعُلَمَاءُ))، ڤێجا يێ راست و دورست زانا بيت دێ يێ كاركەر بيت و دێ بەردەوام ترسا خودێ د دلێ ويدا بيت. و يێ بزانيت و نەكەت ئيزايا وى دووقاتە رۆژا قيامەتێ، لەوا خودێ مەزن دبێژيت: ((يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ))(( كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ)) ، گەلى خودان باوەران بۆچى هوين دبێژن و ناكەن، ئاخفتنا هوين دبێژن و نەكەن كەربێ ل دەف خودێ پتر لێ دكەت.
و نابيت يا د ڤێ پسيارێدا هاتى كەسەك بۆ خۆ بكەتە هێجەت دا هەر د نەزانينێدا بيت، ئەڤە نەيا دورستە، و زانايێ ب زانينا خۆ ژى نەكەت ئەو ژى نەيا دورستە، و خودێ چێتر دزانيت.
