ب / چونكى چەند جاران د قورئانا پيرۆزدا و د چەند ئايەتەكاندا حوكمآ گۆشتآ بەرازى ب ئاشكرايى هاتيە يآ حەرامە، د سۆرەتا مائيدەدا خودێ مەزن دبێژيت: ((حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ لِغَيْرِ اللَّهِ بِهِ)) گۆشتێ مراران و خوين يا رۆن و گۆشتێ بەرازى و يێ نە ژبۆ خودێ هاتيە سەرژێكرن ل سەر هەوە هاتە حەرامكرن، و د سۆرەتا ئەنعامدا دبێژيت: ((قُلْ لَا أَجِدُ فِي مَا أُوحِيَ إِلَيَّ مُحَرَّمًا عَلَى طَاعِمٍ يَطْعَمُهُ إِلَّا أَنْ يَكُونَ مَيْتَةً أَوْ دَمًا مَسْفُوحًا أَوْ لَحْمَ خِنْزِيرٍ فَإِنَّهُ رِجْسٌ أَوْ فِسْقًا أُهِلَّ لِغَيْرِ اللَّهِ بِهِ))هەى موحەممەد بێژە: گاورێت مەكەهێ ئەز د وێ وەحيێدا يا بۆ من هاتى كو قورئانەتشتەكێ حەرام و نەدورست ل سەر هەر ئێكێ هەبيت نابينم، ژبلى مرارى يان ژى خوينەكا رۆن يان ژى گۆشتێ بەرازى، نێ ئەو يێ پيسە، يان ژى ژ گونەه ناڤێ غەيرى خودێ ل سەر ئينا بيت. و د سۆرەتا نەحلدا دبێژيت: ((إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيمٌ)) ب تنێ گۆشتێ مرار و خوين يا رۆنو گۆشتێ بەرازى، و يێ نەبۆ خودێ هاتيە سەرژێكرن، ل سەر هەوە هاتيە حەرامكرن، بەلێ يێ نەچار و مەجبوور بيت ئەڤێت بۆرى بخۆت، ب وى شەرتى دل ل سەر نەبيت و ژ هەوجەييێ نەبۆرينيت خودێ لێ ناگريت چونكى، ب راستى خودێ گونەه ژێبەر و دلۆڤانە. و د سۆرەتا بەقەرەدا دبێژيت((إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيمٌ)) ب راستى خودێ، بەس مرار و خوين يا رۆن و گۆشتێ بەرازى و تشتێ نەبۆ خودێ هاتيە سەرژێكرن، ل سەر هەوە حەرام كريە. بەلێ هەر كەسەكێ نەچار ببيتە خوارنا ئەڤان ژى، بێى دل تێ هەبيت و بەس هەوجەييا خۆ پێ بقەتينيت، چو گونەهـ ل سەر نينە، ب راستى خودێ گونەه ژێبەر و دلۆڤانە. و دبيت مەخسەدا پسيارێ بۆچى هاتيە حەرامكرن، بۆ ڤێ پسيارێ ئەز دبێژم: دڤێت ئەم بزانين خودێ مەزن چو تشت ل سەر مە حرام نەكرينە بۆ خێرا مە و بەرژەوەنديا مە و هەوجەييا مە نەبيت، نەحەرامكريە بەس دا مە ژێ زرباركەت، و دبيت ئەم نهێنى و حيكمەتا پشت حەرامكرنێرا بزانين و دبيت نەزانين و مەرج نينە ئەم ئەڤرۆ بزانين، دبيت د پاشەرۆژێدا ئاشكرا ببيت بەلێ دڤێت و فەرە ئەم باش و باش بزانين خودێ مەزن چو ئەمر و فەرمان نەداينە (ب حەلالكرن و حەرامكرنێ و ب كرن و نەكرنێ) بۆ ئينانا باشيەكێ و دانەپاشا خرابيەكێ نەبيت، و پێدڤيە ئەم هۆسا فەرمان و ئەمر و نەهيێت خودێ وەرگرين و تێبگەهين و بزانين نهێنى و حيكمەتا سەرەكى هەر ئەڤەيە. پاشى پشتى ڤێ هەكە مە نهێنى و حيكمەتا هوير زاني باشە و هەكە مە نەزانى ئەم دزانين خێر هەر يا د ئەمرێ خودێدا و دڤێت ئەز خۆ تەسليمى ئەمرێ خودێ بكەم، و راستە زانينێ چەند ئەگەر و نهێنيێت پشت حەرامكرنا گۆشتێ بەرازى بۆ مە يێت ئاشكراكرين، دبيت ژبەر هندێ بيت و دبيت ژبەر هندە تشتێت دى بيت هێژ ئاشكرا نەبووينە و پاشەرۆژێ ئاشكراببن، يا فەر ئەوە ئەم بزانين خودێ يێ حەرامكرى و بۆ خێرا مە يآ حەرامكرى، و خودێ چێتر دزانيت.
