ب / دڤێت ئەم بزانين هەمى كار و كريارێت مرۆڤى ب ئنيەتا مرۆڤيڤە د گرێداينە، لەوا پێغەمبەرێ خودآ (سلاڤێت خودێ لێ بن) دبێژيت: (انما الاعمال بالنيات وانما لكل امرْ ما نوى) ب راستى هەمى كار و كريار ب ئنيەتانە، و ب راستى بۆ هەر مرۆڤەكى كا چ ئنيەت ئينايە دێ ئەو بيت، و جهێ ئنيەتێ ژى دلە، ڤێجا هەكە مرۆڤى د ئنيەتا خۆدا ئانكو: د دلێ خۆدا گۆت: ئەڤ خێرە بۆ فلان كەسى ب ئانەهيا خودێ دێ گەهيتێ، و مەرج نينە ناڤێ وى بێتە گۆتن، بەلێ گەلەك خێر يێت هەين يا باشتر ئەوە ناڤ ل سەر بێتە گۆتن، ژ وان: دەمآ پێغەمبەرێ خۆشتڤى (سلاڤێت خودێ لێ بن) قوربان پێش مالا خۆڤە ددا دگۆت: بسم الله ئەڤە پێش بنەمالا موحەممەديڤە يان پێش ملەتێ منڤە. ديسا حەج ژى دەمآ پێش ئێكيڤە دهێتەكرن ناڤآ وى دئێتە گۆتن، ئەڤە وێ دگەهينيت هەكە ناڤ بێتە گۆتن دبيت باشتر بيت و هەكە ب ناڤ نەئێتە گۆتن ژى چو نينە هەكە د دليدا و د ئنيەتێدا هاتبيتە گۆتن، و خودێ چێتر دزانيت.
