ب / چێ دبيت ئەم گەلەك تشتان بۆ وى ب باشى حسێب بكەين و بدانين و ئەو ب خۆ بۆ وى نەباشى و زيان بيت، ژبەر هندێ پێغەمبەرێ مە يێ خۆشتڤى (سلاڤێت خودێ لێ بن) غەيبەتێ و نەكاميێ ددەتە نياسين و دياردكەت، دبێژيت: (أَتَدْرُونَ ما الغِيبة؟ قَالُوا: اللَّه ورسُولُهُ أَعْلَمُ. قال: ذكرُكَ أَخَاكَ بما يكْرَهُ قِيل: أَفرأيْتَ إن كان في أخِي ما أَقُولُ ؟ قَالَ: إنْ كانَ فِيهِ ما تقُولُ فَقَدِ اغْتَبْته، وإنْ لَمْ يكُن فِيهِ ما تَقُولُ فَقَدْ بهتَّهُ) هوين دزانن نەكامى چيە؟ گۆتن: خودێ و پێغەمبەرێ وى دزانن، گۆت: تو بەحسێ برايێ خۆ ب تشتێ پێ نەخۆش بكەى. ئێكى گۆت: بێژە من هەكە ئەو تشتێ ئەز دبێژم ل دەف برايێ من هەبيت؟ گۆت: هەكە ئەوا تو دبێژى ل دەف هەبيت ئەو تە نەكاميا وى كر، و هەكە ئەوا تو دبێژى ل دەف وى نەبيت ئەو تە بێ بەختى لێ كر. ژ حەديسا پيرۆز ديار دبيت نەكامى و غەيبەت ئەوە تو ب تشتەكى بەحسێ برايێ خۆ بكەى يێ پێ نەخۆش بيت، ڤێجا هەر تشتێ وى پێ نەخۆش بيت د راستا ويدا بێتە گۆتن غەيبەتە. گەلەك كەس دكەڤنە داڤێت شەيتانى و ددەنە ناف غەيبەتآ ب هێجەتا ئەو چو تشتێ نەوەيى نابێژن، نێ هەكە ئەو تشتێ ئەو دبێژن وەبيت و وى پێ نەخۆش بيت ئەڤە غەيبەتە و يا سۆر و سۆرە، و هەكە ئەو تشت ل دەف نەبيت هنگى ئەو بێ وژدانى و بێ بەختيە، لەوا سەحابان گۆتنە پێغەمبەرێ مە يێ خۆشتڤى (سلاڤێت خودێ لێ بن): (أَفرأيْتَ إن كان في أخِي ما أَقُولُ؟) بێژە من هەكە ئەو تشتێ ئەز دبێژم ل دەف برايێ من هەبيت؟ ئينا پێغەمبەرێ خۆشتڤى (سلاڤێت خودێ لێ بن) گۆتە وان: (إنْ كانَ فِيهِ ما تقُولُ فَقَدِ اغْتَبْته، وإنْ لَمْ يكُن فِيهِ ما تَقُولُ فَقَدْ بهتَّهُ) هەكە ئەوا تو دبێژى ل دەف هەبيت ئەو تە نەكاميا وى كر، و هەكە ئەوا تو دبێژى ل دەف وى نەبيت ئەو تە بێ بەختى لێ كر. ڤێجا بلا ئەم ژ خودێ بترسين و نەكەڤينە د غەيبەتێدا و نەكەڤينە د بێ بەختيێدا و نەكەڤينە د داڤێت شەيتانيدا، و خودێ چێتر دزانيت.
