ب / بەردەوام شەيتان زەڤەر و بزاڤێ دكەت موسلمانى بێشينيت و خۆشيێ ب عيبادەتێ خۆ نەبەت، و هندى پێ چێببيت ناهێليت موسلمان يێ دلخۆش بيت، و هەمى رەنگێت دوودلي و وەسواسێ بۆ مرۆڤى چێدكەت، چونكى وەكى پێغەمبەرێ خۆشتڤى (سلاڤێت خودێ لێ بن) گۆتى: ((ب راستى شەيتان د جهێ خوينێدا د ناڤ مرۆڤيدا دهێت و دچيت)) (ئانكو: هندى شەيتان مرۆڤى ل بەر سەردابرنێدا دبەت دێ تو بێژى خوينە د ناڤ رهێت مرۆڤيرا دهێت و دچيت). دڤێت تو گوهێ خۆ نەدەيە ڤآ وەسواسێ و بەردەوام بى ل سەر نڤێژێت خۆ، و ب رەنگێ پێدڤى و خواستى بكەى، و قورئانا خۆ ژى هەر بخوينى و گوهێ خۆ نەدەيە شەيتانى، بەلێ يا فەرە تە ئاگەه ژ ئنيەتا خۆ هەبيت و تو بزانى كا ئنيەتا تە چيە، چونكى هەمى كار و كريار ب ئنيەتانڤە د گرێداينە هەروەكى پێغەمبەرێ خۆشتڤى (سلاڤێت خودێ لێ بن) دبێژيت: (إنَّما الأَعمالُ بالنِّيات، وإِنَّمَا لِكُلِّ امرئٍ مَا نَوَى) ب راستى هەمى كار و كريار ب ئنيەتانە، و ب راستى بۆ هەر مرۆڤەكى كا چ ئنيەت ئينايە دێ ئەو بيت. ڤێجا هەكە ئنيەتا تە يا راست و دورست و موكوم و بنەجه بيت، چو زيان ناگەهيتە تە ب ڤێ وەسواسێ، بەردەوام بە ل سەر كارێ خۆ و وەسواسێ پشت گوهێ خۆڤە باڤێژە، و خودێ چێتر دزانيت.
