ب / ياباشه ده‌مێ مرۆڤى سلاڤا ملان ڤه‌دا، ئێكسه‌ر نه‌رابيت و بچيت، و بزانيت چه‌ند سونه‌ت پشتى نڤێژێ يێت هه‌ين پێگريێ پێ بكه‌ت، ئه‌و ژى ئه‌ڤێت خوارێنه:
1 ـ ئه‌گه‌ر چو كارێت ب له‌ز نه‌بن بلا د جهێ خۆدا بمينيت، هندى د جهێ خۆدا بمينيت ملياكه‌ت دوعا بۆ دكه‌ن، پێغه‌مبه‌رێ خۆشتڤى (صلى الله عليه وسلم) دبێژيت: ((ملياكه‌ت به‌رده‌وام دوعا بۆ ئێك ژ هه‌وه دكه‌ن هندى ئه‌و د جهێ نڤێژا خۆدا بيت، ئه‌و جهێ وى نڤێژ لێ كرى، هندى ئه‌و ده‌ستنڤێژا خۆ نه‌ئێخيت، دبێژن: يا خودێ لێ ببۆره و گونه‌هێت وى ژێ ببه، يا خودێ دلۆڤانيێ پێ ببه)).
2 ـ كۆمه‌كا زكران هاتينه، فه‌ره بكه‌ت، وه‌كى: سێ جاران بێژيت: (استغفر الله) و بێژيت: (اللَّهُمَّ أَنْتَ السَّلامُ، ومِنكَ السَّلامُ، تَبارَكْتَ ێاذا الجلالِ والإِكْرام) ئانكو: يا خودێ تو يێ سلامه‌تى ژ كێماسيان، و سلامه‌تى ژ ته‌يه، تو مه‌زن بووى يا خودانێ مه‌زناتيێ و كه‌ره‌مان. يان بێژيت: (لا إلهَ إلاَّ اللَّه وحْدَهُ لا شَريكَ لَهُ، لهُ المُلْكُ ولَهُ الحَمْدُ، وهُوَ عَلى كُلِّ شَيءٍ قَديرٌ. اللَّهُمَّ لا مانِعَ لما أعْطيْتَ، وَلا مُعْطێ لما مَنَعْتَ، ولا ينْفَعُ ذا الجَدِّ مِنْكَ الجدُّ) ئانكو: چو خودێ و په‌رستى يێت راست و دورست نينن خودێ ب تنێ نه‌بيت، هه‌مى مولك و سه‌روه‌رى و په‌سن و حه‌مد بۆ وينه، و ئه‌و ل سه‌ر هه‌مى تشتان يێ خودان شيانه، يا خودێ كه‌س نينه يا ته دا، نه‌هێليت، و كه‌س نينه بده‌ت يا ته ڤه‌گرت و نه‌دا، و زه‌نگينيا زه‌نگينى ده‌ف ته مفاى وى ناده‌ت (ئانكو زه‌نگينى و ده‌ستهه‌لاتا وى، وي رزگار ناكه‌ت، كريارێت وى يێت چاك و راست نه‌بن. يان بێژيت: (لا إلَه إلاَّ اللَّه وَحْدَهُ لا شريكَ لهُ، لهُ الملكُ ولهُ الحَمْدُ، وهُوَ عَلى كُلِّ شيءٍ قَديرٌ. لا حوْلَ وَلا قُوَّه إلاَّ بِاللَّه، لا إله إلاَّ اللَّه، وَلا نَعْبُدُ إلاَّ إێاهُ، لهُ النعمه، ولَهُ الفضلُ وَلَهُ الثنَاءُ الحَسنُ، لا إله إلاَّ اللَّه مُخْلِصينَ لَهُ الدِّينَ ولوْ كَره الكَافرُون) ئانكو: چو خودێ و په‌رستى يێت راست و دورست نينن خودێ ب تنێ نه‌بيت، هه‌مى مولك و سه‌روه‌رى و په‌سن و حه‌مد بۆ وينه، و ئه‌و ل سه‌ر هه‌مى تشتان يێ خودان شيانه، و چو بزاڤ و شيان و چو هێز نينن ب خودێ نه‌بن، چو خودێ و په‌رستى يێت راست و دورست نينن خودێ ب تنێ نه‌بيت، ئه‌م كه‌سێ ناپه‌رێسين ئه‌و ب تنێ نه‌بيت، نيعمه‌ت و كه‌رم ژ وينه و په‌سن و مه‌دحێت باش هه‌ژى وينه، چو خودێ و په‌رستى يێت راست و دورست نينن خودێ ب تنێ نه‌بيت، ئه‌م په‌رستنا ژ دل بۆ وى دكه‌ين، بلا گاوران پێ نه‌خۆش ژى بيت. يان بێژيت: (اللَّهُمَّ أعِنِّي على ذكْركَ، وشُكْركَ، وَحُسنِ عِبادتِكَ) ئانكو: يا خودێ هاريكاريا من ل سه‌ر زكرێ خۆ و شوكرا خۆ و باش په‌رستنا خۆ بكه. يان سيه و سێ جاران بێژيت: (سبحان الله) و سيه و سێ جاران (الحمد لله) و سيه و سێ جاران (الله أكبر)، پاشى بێژيت: (لا إلهَ إلاَّ اللَّه وحْدَه لا شَريك لهُ، لَهُ المُلْكُ وَلَهُ الحمْد، وهُو على كُلِّ شَيءٍ قَدِيرٌ) پێغه‌مبه‌رێ خودێ (صلى الله عليه وسلم) دبێژيت: ((هه‌ركه‌سێ دويف هه‌ر نڤێژه‌كێرا سيه و سێ جاران خودێ ژ كێم و كاسيان پاك و پاقژ بكه‌ت (بێژيت: سبحان الله) و سيه و سێ جاران شوكرا خودێ بكه‌ت (بێژيت: الحمد لله) و سيه و سێ جاران خودێ مه‌زن بدانيت (بێژيت: الله أكبر) و تماميا سه‌دێ بێژيت: ب راستى چو په‌رستى يێت راست و دورست نينن خودێ نه‌بيت و يێ بێ شريك و بێ هه‌ڤاله و هه‌مى مولك و سه‌روه‌رى و په‌سن و حه‌مد بۆ وينه و ئه‌و ل سه‌ر هه‌مى تشتان يێ خودان شيانه، گونه‌هێت وى هاتنه ژێبرن خۆ هه‌كه هندى كه‌ڤزا ده‌ريايێ بن)).
3 ـ بۆ خۆ دوعا بكه‌ت و ئه‌و دوعا وى بڤێت، پسيار ژ پێغه‌مبه‌رێ خودێ (صلى الله عليه وسلم) هاته كرن: كيژ دوعا چێتر دهێته قه‌بويلكرن؟ ئينا گۆت: ((د نيڤا شه‌ڤێدا و پشتى نڤێژێت فه‌رز)).
4 ـ سونه‌تێت خۆ يێت راتب لێ هشيار بيت، پێغه‌مبه‌رێ خودێ (صلى الله عليه وسلم) دبێژيت: ((نينه به‌نده‌يه‌كێ موسلمان هه‌رۆژ دازده ركاعه‌تان سونه‌ت ژبلى فه‌رزان بۆ خودێ بكه‌ت، هه‌كه خودێ خانيه‌كى بۆ د به‌حه‌شتێدا ئاڤا نه‌كه‌ت. يان: هه‌كه خانيه‌ك بۆ د به‌حه‌شتێدا نه‌هێته ئاڤاكرن: دوو ركاعه‌ت به‌رى نڤێژا سپێدێ، و دوو ركاعه‌ت به‌رى نڤێژا نيڤرۆ، و دوو ركاعه‌ت پشتى وێ، و دوو ركاعه‌ت به‌رى نڤێژا ئێڤارى، و دوو ركاعه‌ت پشتى نڤێژا مه‌غره‌ب، و دوو ركاعه‌ت پشتى نڤێژا عه‌يشا)).
