ب / دورسته و چو تێدا نينه، نه‌خاسمه ئه‌گه‌ر هه‌وجه‌يى بۆ هه‌بيت، به‌لێ هه‌كه بكه‌نه ئێك جه‌ماعه‌ت ب خێرتر و باشتره، به‌لێ هه‌كه نه‌شێن و هه‌وجه‌يى بخوازيت دوو جه‌ماعه‌ت بێنه‌كرن پشتى يا ئێكێ خلاس دبيت دورسته و چو تێدا نينه.
ئيمامێ ترمزى و ئيمام ئه‌حمه‌د و ئيمام ئيسحاق خودێ ژ وان رازى بيت دبێژن: هه‌كه هه‌وجه‌يى هه‌بيت دورسته ل مزگه‌فتێ ژى دوو جه‌ماعه‌ت بۆ ئێك نڤێژ بێنه‌كرن. و حه‌ديسا وى مرۆڤێ پشتى نڤێژا ئێڤارى هاتيه مزگه‌فتێ و ديتى نڤێژا هاتيه‌كرن، هه‌ما راوه‌ستيا و ب تنێ نڤێژا خۆ كر، ده‌مێ پێغه‌مبه‌رێ خودێ (سلاڤێت خودێ لێ بن) ديتى يێ نڤێژێ ب تنێ دكه‌ت، گۆت: ((كى دێ خێره‌كێ دگه‌ل ڤى كه‌ت و نڤێژا وى ژى كه‌ته جه‌ماعه‌ت))، ئه‌بو به‌كر خودێ ژێ رازى بيت) رابوو و دگه‌ل كره جه‌ماعه‌ت. ئه‌ڤه ده‌ليله ل سه‌ر كرنا دوو نڤێژێت ب جه‌ماعه‌ت، و ل كيرێ؟ ل مزگه‌فتا پێغه‌مبه‌رێ خودێ (سلاڤێت خودێ لێ بن)، نڤێژا ئێكێ ب ئيمامه‌تيا پێغه‌مبه‌رێ خودێ بوو (سلاڤێت خودێ لێ بن) و يا دووێ ب ئه‌مرێ پێغه‌مبه‌رێ خودێ بوو (سلاڤێت خودێ لێ بن) و خودێ چێتر دزانيت.
