ب / هه‌كه ئێك ب تنێ دگه‌ل ئيمامى بيت، دێ ل ره‌خێ راستێ يێ ئيمامى راوه‌ستيت، و به‌راهيا وى ناكه‌ڤيت، و سه‌رێ تلێت پێت خۆ پيچه‌كێ دێ ژ پێ ئيمامى ڤه‌هێليت. ئبن عه‌باس خودێ ژێ رازى بيت) شه‌ڤه‌كێ ما ل ده‌ف پێغه‌مبه‌رێ خودێ (سلاڤێت خودێ لێ بن) دا به‌رێ خۆ بده‌ته عيباده‌تێ پێغه‌مبه‌رێ خودێ (سلاڤێت خودێ لێ بن) كا يێ چاوايه و دا چاڤ لێ بكه‌ت، و بۆ مه موسلمانان ڤه‌گوهێزيت، ب شه‌ڤ پێغه‌مبه‌رێ خودێ (سلاڤێت خودێ لێ بن) ديت رابوو و چۆ مه‌شكه‌ك ئينا خوارێ و ده‌ستنڤێژا خۆ شويشت، پشتى هنگى هاته سه‌ر شه‌ملكا خۆ و نڤێژ كرن، ئبن عه‌باس خودێ ژێ رازى بيت) دبێژيت: ئه‌ز ژى رابووم من ده‌ستنڤێژ شويشت و ل ره‌خێ وى يێ چه‌پێ راوه‌ستيام، ئينا سه‌رێ من گرت و ئه‌ز ئينامه ره‌خێ خۆ يێ راستێ. هه‌لبه‌ت ئه‌ڤ حه‌ديسه ئيمامێ بوخارى و موسلمى ڤه‌گێرايه، و ئاشكرايه پێغه‌مبه‌رێ خودێ (سلاڤێت خودێ لێ بن) ئنيه‌تا ئيمامه‌تيێ نه‌ئينابوو، و ئبن عه‌باس خودێ ژێ رازى بيت) چۆ ئه‌و بۆ خۆ كره ئيمام و ئه‌و بوو مه‌ئمووم و دگه‌ل پێغه‌مبه‌رێ خودێ (سلاڤێت خودێ لێ بن) كره جه‌ماعه‌ت و پێغه‌مبه‌رێ خودێ (سلاڤێت خودێ لێ بن) نه‌گۆتێ ئه‌ڤه نه‌يا دورسته و ياخه‌له‌ته، به‌لكى به‌س جهێ وى دورست كر، چونكى ئه‌گه‌ر ئێك ب تنێ دگه‌ل ئيمامى بيت، يا دورست ل ره‌خێ راستێ يێ ئيمامى بيت نه‌يێ چه‌پێ، و هه‌كه ره‌خێ چه‌پێ يێ ئيمامى راوه‌ستيا وى سه‌رپێچيا سونه‌تێ كر و نڤێژا وى يا دورسته و خودێ چێتر دزانيت.
