ب/ يا پێدڤى ئه‌و بوو ته چاره‌سه‌ريا خۆ كربا، چونكى ديتنا وێ ئاڤێ و ب ڤى ره‌نگى نه‌ساخيه و هه‌وجه‌ي چاره‌سه‌ريێيه، و يێ هۆسا به‌رده‌وام ئاڤێ ببينيت پێدڤيه ئه‌و بۆ هه‌ر نڤێژه‌كێ ده‌ستنڤێژه‌كێ بگريت ـ هه‌لبه‌ت مه‌خسه‌دا من نڤێژا فه‌رزه نه‌يا سونه‌ت ـ و پشتى ده‌ستنڤێژێ هه‌كه ڤێ ئاڤێ ببينيت ژى كێماسي نينه، ده‌ستنڤێژ ناكه‌ڤيت، و پشتى نڤێژا فه‌رز هندى سونه‌تان بكه‌ت دورسته، به‌لى هه‌كه ده‌مێ نڤێژه‌كا دى يا فه‌رز هات دڤێت ده‌ستنڤێژه‌كا نوى بگريت، و مه‌رج نينه هه‌مى ده‌مان جلك بێنه شويشتن، ئاڤ لێ ره‌شاندن به‌سه، و پشتى شويشتنێ هه‌كه شوينوار ما و ژێ نه‌چۆ، چو نينه و نڤێژ يا دورسته، ڤێجا دويف گۆتنا ته هه‌كه ته شويشتيه و دگه‌ل هندێ ژى شوينوار مابن چو نينه و نڤێژێت ته دورستن و هه‌وجه نينه بكه‌يه‌ڤه و خودێ چێتر دزانيت.
