ب/ پێدڤيه ئه‌ڤ ژنه شيره‌تان ل زه‌لامێ خۆ بكه‌ت، و بێژيتێ: نابيت، و دڤێت تو ژ خودێ بترسى و رۆژيێت خۆ بگرى و ل خۆ بزڤرى، ئه‌گه‌ر ما ل سه‌ر يا خۆ و رۆژى نه‌گرتن، ئه‌و ئێك ژ دويانه، ئه‌گه‌ر ده‌ستويريه‌كا شه‌رعى هه‌بيت دورسته خزمه‌تا وى بێته‌كرن، و ئه‌گه‌ر رۆژيان نه‌گريت و وى چو ده‌ستويريێت شه‌رعى ژى نه‌بن، و نه‌دگه‌ل رۆژيێيه ژى، وى وه‌ختى نه‌دورسته خزمه‌تا وى بێته‌كرن، و د شه‌رعيدا بۆ ژنێ هه‌يه خزمه‌تا وى نه‌كه‌ت و بۆ وێ هه‌يه چو نه‌دانيته به‌ر، و ئه‌م ژبير نه‌كه‌ين پێغه‌مبه‌ر (سلاڤێت خودێ لێ بن) دبێژيت: ((من رَأَى مِنْكُمْ مُنْكَرًا فَلْيُغَيِّرْهُ بيده فَإِنْ لم ێسْتَطعْ فَبِلِسَانِهِ فَإِنْ لم ێسْتَطعْ فَبِقَلْبِهِ وَذلِكَ أَضعَفُ الْإِيمَانِ))، هه‌ركه‌سێ ژ هه‌وه گونه‌ه و خرابيه‌ك ديت بلا ب ده‌ستێ خۆ بگوهۆريت، هه‌كه نه‌شيا بلا ب ئه‌زمانێ خۆ بيت، هه‌كه نه‌شيا بلا ب دلێ خۆ بيت و ئه‌ڤه لاوازترين باوه‌ريه. و دڤێت ژن ژى وه‌ختێ خه‌له‌تي و خرابيه‌كێ دبينيت و ژ كێ بيت، دڤێت ڤان هه‌رسێ پێنگاڤا ب كار بينيت بۆ گوهۆرينا وێ خه‌له‌تيێ و خودێ چێتر دزانيت.
